Ikusmen artifiziala, adimen artifizialaren barneko alor gisa, mundu errealetik hartutako irudi digitalak ezagutu, prozesatu eta aztertzeko gai da, helburu desberdinen arabera modu batera edo bestera automatikoki prozesatzeko xedearekin.
Ekidek profesional-talde zabala du eta ikerketa-zentroekin batera lankidetzan aritzen da neurrira eginiko ikusmen artifizialeko sistemak garatzeko ahaleginean, sistema horiek industrian aplikatzeko eta bezeroen ekoizpen-baliabideetan integratzeko. Teknologia hori integratzeko beharrezkoa den azterketa sakona egiteko gai den ingeniaritza-enpresa bat gara. Ikusmen artifizialaz gain, horren inguruan dauden aldagai guztiak hartzen ditugu kontuan, esaterako, automatizazioa, softwarea edo bezeroaren instalazioetako baldintzak.
Ikusmen artifizialari esker honakoa lor daiteke:
- Kontaktu fisikorik gabeko ikuskatze-lan errepikakorrak automatikoki burutzea.
- Kalitate-kontrol zehatzak burutzea.
- Denborak murriztea.
- Objektuek espazioan duten posizioa ezartzea.
