CAMPERINGA

Ekidek kalitate bikaineko sabai altxagarriak diseinatzeko eta fabrikatzeko zerbitzu integrala eskaintzen du, oinarri arrunteko ibilgailuen gama baterako. Sabaien ezaugarri deigarrienen artean, aipatzekoa da diseinu erakargarria dutela, funtzionaltasun handikoak direla eta segurtasun arloko eskakizun handienak betetzen dituztela.

Irekitze automatikoko sabai altxagarriak

Kalitate handiko sabai altxagarriak diseinatzen eta fabrikatzen ditugu Europan liderrak diren autokarabana fabrikatzaileentzat eta izen handiko kanperizatzaileentzat. Ondo aztertutako irekitze automatikoaren mekanismoari esker, sabaia oso erraz eta eroso altxa daiteke.

Ingeniaritza aurreratua, zerbitzu global baten oinarria

Ingeniaritza aurreratuari esker, zerbitzu globala eskaintzen dugu, diseinu kontzeptualetik hasi eta industrializazioraino, kalitate bikaina bermatuz. Daukagun esperientzia handia erabiltzen dugu soluzio tekniko osoenak eta fidagarrienak aukeratzeko, besteak beste, erabilitako materialen erresistentzia eta iraunkortasuna hobetzen laguntzeko.

Kalitatea eta segurtasuna helburu

Europako eta nazioko indarreko arauen arabera diseinatzen eta fabrikatzen ditugu sabaiak. Gainera, gure bezeroei kalitaterik eta segurtasunik handiena bermatzeko, askotariko azterlanak egiten ditugu zentro homologatuekin lankidetzan, hala nola crash testak eta zurruntasun azterlanak. Era berean, gure sabaien ergonomia, isolamendua, estankotasuna, erresistentzia eta iraunkortasuna funtsezkoak direla uste dugu.

Diseinu kontzeptuala

Ingeniaritza aurreratua

Industrializazio prozesuaren definizioa

Prototipatzea

Industrializazioa

Crash testak eta zurruntasun azterlanak